வெள்ளை முட்டை நல்லதா? பழுப்பு முட்டை நல்லதா? என்ன வித்தியாசம்?

முட்டைகள் உலக அளவில் அதிக மக்களால் கோரப்படும் காலை உணவுகளில் முதலிடத்தைப் பிடிக்கின்றன. எப்படி வேண்டுமானாலும் உட்கொள்ளக் கூடிய தேர்வுகள் இதன் பெருமையை அதிகரிக்கவே செய்கின்றன.

எளிமையான உணவென்றாலும், உடலுக்குத் தேவையான சத்துகள், நுண்பொருட்கள் நிறைந்திருக்கும் உணவாகவும் இது இருக்கிறது. ஆனால், இதிலும் ஒரு குழப்பம் நம் மக்களுக்கு உண்டு. பிரவுன் முட்டை நல்லதா, அல்லது வெள்ளை முட்டை சிறந்ததா? இரண்டுக்கும் ஆன வித்தியாசங்களைப் பார்க்கலாம். சிலர், பிரவுன் முட்டை தான் சிறந்ததென்று நம்புகின்றனர். ஏனெனில், பொதுவாகவே வெள்ளை நிறமல்லாத பிரவுன் நிறம் ஆரோக்கியத்தைப் பிரதிபலிக்கிறது என்ற பார்வை உண்டு. இதில், குறிப்பிட வேண்டிய விஷயம், பிரவுன் முட்டை வெள்ளை முட்டையை விட விலை அதிகமானது.

இரண்டு முட்டைகளுக்கும் ஓட்டின் நிறத்தில் மட்டும் வேறுபாடு இல்லை. பிரவுன் முட்டையின் மஞ்சள் கரு நிறத்தில் அடர்த்தியாக இருக்கும், இதற்குக் காரணம் இந்த முட்டையில் இருக்கும் நிறமி தான். ஆனால், உண்மை என்னவெனில் இந்த முட்டைகள் தரும் சத்துகளை ஒப்பிட்டுப் பார்த்தால், கிட்டத்தட்ட இரண்டுமே சம அளவில் சத்துகளைத் தருகிறது.

புரதம், சின்க், கால்சியம், பொட்டாசியம், இரும்பு, மக்னீசியம், பாஸ்பரஸ், செலீனியம், கொழுப்பு என்று முட்டை இத்தனை சத்துகளைக் கொண்டிருக்கிறது. பிரவுன் முட்டைகள் ஆர்கானிக் என்ற பேச்சும் அடிபடுகிறது. ஆனால், அது முற்றிலும் பொய்யே.

இரண்டு முட்டைகளுக்கும் இடையில் இருக்கும் வித்தியாசம், அதன் சுவை மட்டுமே. எந்த கோழி இனத்தின் முட்டை அது என்ற அடிப்படையில் தான் முட்டைகளின் நிறங்கள் நிர்ணயம் ஆகின்றன. பிரவுன் முட்டைகளை இடும் கோழிகளுக்குப் பொதுவாக சற்று தரம் உயர்ந்த தீனிகள் தரப்படுகின்றன. ஆதலால்தான் இந்த விலை சற்று அதிகமாக உள்ளது. அனைத்துக் கோழிகளுக்கும் அதே தீனி கொடுக்கப்படும்போது, இந்த சுவை வித்தியாசம் கூட முட்டைகளில் இருக்காது.

--

www.sahabudeen.com

இந்தத் தவறை மட்டும் செய்யாதீங்க… கண்களுக்கு மிகப்பெரிய ஆபத்து.. எச்சரிக்கும் விஞ்ஞானிகள்..

உங்கள் ஸ்மார்ட்போன்கள் மற்றும் மடிக்கணினிகளில் இருந்து வெளிவரும் நீல ஒளியானது ஆபத்தானதாக தோன்றாது, ஆனால் கண்களுக்கு தீங்கு விளைவிப்பதுடன், இது மாகுலர் சிதைவு பிரச்சனையையும் ஏற்படுத்தும் என்று விஞ்ஞானிகள் ஏற்கனவே எச்சரித்துள்ளனர்..

மாகுலர் சிதைவு என்றால் என்ன..? மாகுலர் சிதைவு என்பது கண்கள் தொடர்பான பிரச்சனை. விழித்திரையின் மையப் பகுதி (மேகுலா) சேதமடைய தொடங்குகிறது.. இது குறிப்பாக வயதானவர்களுக்கு ஏற்படுகிறது, இதில் வயது தொடர்பான மாகுலர் சிதைவு என்று அழைக்கப்படுகிறது. இது கண்களின் பார்க்கும் திறனை நேரடியாக பாதிக்கிறது. பொதுவாக, 60 வயதுக்கு மேற்பட்டவர்களுக்கு இந்தப் பிரச்னை ஏற்படும், ஆனால், ப்ளூ லைட் தொழில்நுட்பத்தின் பயன்பாடு அதிகரித்து வருவதால், இளைஞர்களும் இந்த பிரச்சனையை சந்திக்க நேரிடும் என நிபுணர்கள் அஞ்சுகின்றனர்.

நீல ஒளி ஏன் சேதத்தை ஏற்படுத்துகிறது..? நீல நிறத்தின் அலைநீளம் மற்ற முக்கிய வண்ணங்களை விட குறைவாக இருக்கும். சிவப்பு நிறத்தை விட நீல நிறம் அதிக ஆற்றலைக் கொண்டிருப்பதற்கு இதுவே காரணம். அந்த கூடுதல் ஆற்றல் கண்களை சேதப்படுத்துவடன் இருட்டில் பயன்படுத்தினால், பிரச்சனை அதிகரிக்கும். ஆன்டிஆக்ஸிடன்ட்களாக செயல்படும் ஒரு வகையான மூலக்கூறுகள் உள்ளன, அவை கண்களின் செல்களை அழியாமல் பாதுகாக்கின்றன, ஆனால் தொடர்ந்து கண்களில் நீல ஒளியை செலுத்தினால், ஆக்ஸிஜனேற்றத்தின் தாக்கம் குறையும்.. இதனால் மாகுலர் சிதைவு அதிகரிக்கும்.

இந்த ஆபத்தை எவ்வாறு குறைப்பது..? முதலில், இருட்டில் மொபைல் போன் பயன்படுத்தும் பழக்கத்தை கைவிட வேண்டும்.. குறிப்பாக இரவில் தூங்கும் போது,   நாம் அடிக்கடி இதுபோன்ற தவறுகளை செய்கிறோம். செல்போன் பயன்படுத்த வேண்டிய கட்டாயம் என்றால், அறையின் விளக்கை ஏற்றி வைக்கவும். நீல ஒளியை வடிகட்டி, கண்களுக்கு ஏற்படும் பாதிப்பைக் குறைக்கும் பல கண்ணாடிகள் சந்தையில் உள்ளன. அந்த கண்ணாடிகளை அணிந்து கொள்வதன் மூலம் இந்த ஆபத்தை குறைக்கலாம்..

--

www.sahabudeen.com

நகம் கடிக்கும் பழக்கத்தால் ஏற்படும் ஆபத்துகள் என்னென்ன ?

நம்மில் பெரும்பாலானோருக்கு பயம் பதற்றம் உள்ளிட்டவை வரும் போது நகம் கடிக்கும் பழக்கத்தை வைத்திருப்போம்.

பொதுவாக நகம் கடிக்கும் பழக்கம் என்பது மனதளவில் நம்மை சிறுமைபடுத்தும் விஷயமாக பார்க்கப்படுகிறது. மேலும் இது உடல் நலனுக்கு தீங்கு விளைவிக்கக் கூடியதாகும் எனவும் மருத்துவர்கள் தெரிவிக்கின்றனர்.

நகம் கடிக்கும் பழக்கம் உருவாவது எப்படி?

யாருக்கேனும் தேவையற்ற எண்ணங்கள் அல்லது யோசனைகள் இருக்கும்பட்சத்தில் அவர்களுக்கு திரும்பத் திரும்ப ஏதாவது ஒன்றை செய்து கொண்டிருக்கக் கூடிய எண்ணம் உருவாகும் எனவும், இது தான் நகம் கடிக்கும் பழக்கத்தின் ஆரம்ப நிலை எனவும் மருத்துவர்கள் தெரிவிக்கின்றனர்.

அடிக்கடி நகம் கடிப்பது பயத்துடன் தொடர்புடையது என்றும், பயம், பதற்றம் உள்ளிட்டவற்றை போக்குகிறது. தனிமையில் தேவையற்ற சிந்தனைகள் உதிக்கும் பொழுதும், பதட்டமடைபவர்களும் அடிக்கடி நகம் கடிக்கும் பழக்கத்திற்கு ஆளாவதாக மருத்துவர்கள் தெரிவிக்கிறார்கள்.

என்னென்ன பாதிப்புகள்?

சிறு வயதில் ஏற்படும் இந்த பழக்கம் சிலருக்கு பெரியவர்களாக ஆனாலும் அவர்களை விட்டு நீங்குவதில்லை. நகம் கடிப்பதால் பாக்டீரீயா, வைரஸ் மற்றும் பூஞ்சை தொற்றுகளால் உடல் உறுப்புகள் பாதிக்கப்படுகின்றன. இதனால் வயிற்றினுள் நோய்த் தொற்றுகள் ஏற்படுவதுடன் நகங்கள் மற்றும் அதனை சுற்றியுள்ள சதைகளும் பாதிக்கப்பட்டு நோய்த்தொற்றுகள் ஏற்படுகின்றன.

இவற்றிற்கு முறையான சிகிச்சை எடுக்க வேண்டும். இல்லை எனில் செப்டிக் ஷாக் மற்றும் செப்சிஸ் தொற்று உள்ளிட்ட நோய்கள் ஏற்பட்டு அதிக பாதிப்பை உண்டாக்கும் என்றும் சில நேரங்களில் அது உயிருக்கே கேடு விளைவிக்கலாம் என்றும் மருத்துவர்கள் தெரிவிக்கின்றனர்.

மேலும் பற்களின் ஈறுகளில் உள்ள திசுக்களை சேதப்படுத்தி வலியை உண்டாக்குவது மட்டுமல்லாமல் ஈறுகளில் நோய்த்தொற்று அபாயத்தையும் ஏற்படுத்துகிறது.

நகத்தில் உள்ள அழுக்குகள் நம் வயிற்றுக்குள் செல்வதால் அது பல்வேறு பிரச்சனைகளை உண்டாக்குகிறது.

தடுக்கும் வழிமுறைகள்:

நகம் கடிக்கும் பழக்கம் உள்ளவர்கள் அதிக அளவில் தனிமையில் இருப்பதை தவிர்க்க வேண்டும்.

தேவைய்ற்ற சிந்தனைகள் மூலம் பயம் கொள்ளுதல் அல்லது பதற்றமடைதல் உள்ளிட்டவற்றை தவிர்க்க வேண்டும். மன அழுத்தத்திற்கு ஆளாகாமல் இருக்க வேண்டும்.

நகத்தை அடிக்கடி சுத்தமாக வெட்டி விடுவதன் மூலம் நகம் கடிக்கும் பழக்கத்தை கொஞ்சம் கொஞ்சமாக குறைத்து கொள்ள முடியும். அதுவே பின்னாளில் அறவே அப்பழக்கத்தில் இருந்து விடுபடவும் வழிவகுக்கும்.

கசப்பான எண்ணெய்யை கைகளில் தடவி விடலாம். கைகளில் கையுறை அணிந்து கொள்வது, நெயில் பாலிஷ் உள்ளிட்டவற்றின் மூலம் நகங்களை அழகுபடுத்துவது ஆகியவையும் நகம் கடிக்கும் பழக்கத்தில் இருந்து விடுபட உதவும்.

--

www.sahabudeen.com

கழுத்து, முகத்தில் தோன்றும்மருக்களை எளிதாக அகற்ற உங்களுக்கு சில யோசனைகள்.

பொதுவாக சருமத்தில் மருக்கள் உருவானால் பார்க்கவே அருவறுப்பாக இருக்கும்.

இந்த மருக்கள் கழுத்து, மார்பு, முகம் போன்ற இடங்களில் அதிகமாக ஏற்படும். அதிலும் இந்த மருக்கள் அழகை கெடுப்பது போல் இருக்கும். இவற்றை நீக்க உதவும் சில இயற்கை வழிகளை காண்போம். ஒரு துண்டு வெங்காயத்தை எடுத்து, அதில் சிறிதளவு உப்பு தேய்த்து இரவு முழுவதும் ஊற வைத்து, காலையில் எழுந்தவுடன் உப்பு தேய்த்த வெங்காயத்தை பேஸ்ட் போல் அரைத்து, அதனை மரு உள்ள இடத்தில் தடவி ஊற வைத்து கழுவ வேண்டும்.

இப்படி செய்தால் மருக்கள், தழும்புகள் நீங்கி விடும் . கட்டி பெருங்காயத்தை தண்ணீரில் ஊறவைத்து, அதை நாள்தோறும் மருவின் மேல் வைத்து கொள்ள வேண்டும். இப்படி தொடர்ந்து செய்து வந்தால் மரு மறையும். எலுமிச்சை சாற்றுடன் சிறிதளவு கஸ்தூரி மஞ்சள் கலந்து மரு இருக்கும் இடத்தில் தடவி 20-25 நிமிடம் வரை ஊற வைத்து பின் கழுவி வந்தால் மருக்கள் விரைவாக மாறிவிடும்.

ஆப்பிள் சீடர் வினிகரை ஒரு காட்டனில் எடுத்து மரு உள்ள இடத்தில் தேய்த்து வந்தால் மரு விரைவில் உதிர்ந்து போய் விடும்.

--

www.sahabudeen.com

திருமணமான பெண்கள் கவனத்திற்கு: சினைப்பை நீர்க்கட்டி வருவதற்கான காரணம் என்ன தெரியுமா?

பிசிஓடி பிரச்சனை உள்ளதா என்பதைக் கண்டறிய மருத்துவர்கள் பெல்விக் எக்ஸாமினேஷன், ரத்தப் பரிசோதனைகள் மற்றும் அல்ட்ரா சவுண்ட் பரிசோதனைகளை மேற்கொள்கிறார்கள்.

சமீப காலங்களில் அதிகமாக பெண்களை அச்சுறுத்தும் பிரச்சனையாக இருப்பது பிசிஓடி அல்லது பிசிஓஎஸ் எனப்படும் சினைப்பை நீர்க்கட்டி பிரச்சினையாகும்..பாலிசிஸ்டிக் ஓவரியன் சிண்ட்ரோம் என்று ஆங்கிலத்தில் அழைக்கப்படும் இந்த பிரச்சனை வருவதற்கு முக்கியமான காரணம் என்னவென்றால் உணவுமுறை மற்றும் வாழ்க்கை முறை என்று தான் கூறவேண்டும்.

நீர்க்கட்டி ஏற்படுவது என்பது ஒரு நோயல்ல. இது ஒரு குறைபாடு.

பிசிஓடி உள்ள பெண்களுக்கு கருமுட்டை தாமதமாக உருவாகும் அல்லது உருவாகாது. இதனால் வழக்கமான மாதவிடாய் சுழற்சியானது பாதிப்படையும். ஒழுங்கற்ற மாதவிடாயால் குழந்தைப் பேறும் தாமதமாகும். இதனால் ஹார்மோன் சமநிலையின்மை ஏற்படும். மேலும், உடல் எடை அதிகரிப்பு, தேவையற்ற இடங்களில் முடி வளர்ச்சி போன்ற பிரச்சனைகள் ஏற்படுகின்றது

சினைப்பை நீர்க்கட்டி ஏற்படுவதற்கான காரணங்கள் இதுதான் என்று சரியாக கூற முடியாவிட்டாலும் பொதுவான காரணம் என்று பார்த்தால், மரபணு காரணங்கள் மற்றும் அன்றாட வாழ்க்கை முறை என்றுதான் சொல்ல வேண்டும். குறிப்பாக மாதவிடாய் சுழற்சி 28 நாட்களுக்கு ஒருமுறை என சீராக இல்லாமல் தாமதமாக வருவது அல்லது இரண்டு மூன்று மாதங்களுக்கு ஒரு முறை வருவது, உடல் எடை மிகவும் குறைவது அல்லது உடல் எடை மிகவும் அதிகரிப்பது இவை அனைத்தும் நீர்க்கட்டி உள்ளதற்கான அறிகுறிகள் ஆகும்.

நீர்க்கட்டி ஏற்படுவதால் முகத்தில் அல்லது தேவையற்ற இடங்களில் முடி வளர்வது, தலை முடி கொட்டுவது, குரல் மாறுபாடு, முகத்தில் அதிக அளவில் முகப்பரு ஏற்படுவது, மன அழுத்தம் மற்றும் மலட்டுத்தன்மை போன்ற பிரச்சினைகள் உண்டாகும்.

பிசிஓடி பிரச்சனை உள்ளதா என்பதைக் கண்டறிய மருத்துவர்கள் பெல்விக் எக்ஸாமினேஷன், ரத்தப் பரிசோதனைகள் மற்றும் அல்ட்ரா சவுண்ட் பரிசோதனைகளை மேற்கொள்கிறார்கள். நீர்க்கட்டி பிரச்சினை இருப்பது உறுதி செய்யப்பட்டால் ரத்த அழுத்தம், குளுக்கோஸ் டாலரன்ஸ் மற்றும் கொலஸ்ட்ரால் டிரைகிளிசரைடு அளவுகளை அவ்வப்பொழுது சோதித்து சரிபார்க்க பரிந்துரைக்கிறார்கள். உடற்பயிற்சி செய்வதும், ஆரோக்கியமான உணவுகளை உட்கொள்வதும் இந்தப் பிரச்சனையில் இருந்து விடுபடுவதற்கான சரியான வழிமுறைகள் என்று மருத்துவர்கள் கூறுகிறார்கள்.

--

www.sahabudeen.com

டூத் பேஸ்ட்டில் எது சிறந்தது என்று கண்டறியகுழப்பமாக உள்ளதா? வாங்கும் போது இந்த விஷயங்களைகவனியுங்கள்.

பொதுவாக வீட்டுக்குத் தேவையான பொருட்களை நாம் பார்த்து பார்த்து வாங்குவோம்.

அதில் ஏதேனும் குறைபாடு இல்லாதபடி பார்த்து கொள்வோம். வீட்டுக்கு பயன்படுத்த கூடிய பொருட்களின் மீது செலுத்தும் அதிக படியான கவனத்தை நமக்கான பொருட்களை வாங்கும்போதும் செலுத்த வேண்டும். ஆனால், பலர் இது போன்று செய்வதில்லை. குறிப்பாக உடலில் நேரடியாக பயன்படுத்தக்கூடிய பல பொருட்களை கவனமாக வாங்குவதில்லை.

காலையில் நாம் எழுந்ததும் பயன்படுத்த கூடிய டூத் பேஸ்ட் முதற்கொண்டு இதைச் சரியாக செய்வதில்லை. வெறும் விளம்பரங்களைப் பார்த்து தவறான டூத்பேஸ்ட்டை வாங்கி விடுகிறோம். இது உங்கள் பற்களின் முழுவதுமாக ஆரோக்கியத்தை பாதிக்க கூடும். ஒரு சிறந்த டூத்பேஸ்ட்டை எப்படி வாங்குவது என்பதை பற்றி இந்த பதிவில் விரிவாக பார்ப்போம்.

ஃப்ளூரைடு உள்ளதா? : ஒரு சிறந்த டூத்பேஸ்டடில் பல முக்கிய பொருட்கள் இருக்க வேண்டும். குறிப்பாக ஃப்ளூரைடு மிக முக்கியமானது. உங்கள் பற்களின் எனாமலை பாதுகாக்கவும், உங்கள் ஈறுகள் வலுவாக இருப்பதை உறுதிப்படுத்தவும் ஃவுளூரைடு உதவுகிறது. இதுமட்டுமின்றி, ஃவுளூரைடு ஒரு இயற்கை கனிமமாகும், இது பற்களை சிதைவிலிருந்து பாதுகாக்க உதவுகிறது. எனவே உங்கள் டூத்பேஸ்ட்டில் ஃப்ளூரைடு உள்ளதா என்பதை உறுதிப்படுத்தி கொள்ளுங்கள்.

தேவைகளைப் பட்டியலிடுங்கள் : ஒவ்வொருவரின் வாய் ஆரோக்கியத்தை பொறுத்து டூத்பேஸ்ட்டின் தேவைகள் மாறுபடும். சிலருக்கு சென்சிடிவ் வகை டூத்பேஸ்ட் தேவைப்படலாம், மற்றவர்களுக்கு தங்கள் பற்களை வெண்மையாக்க கூடிய பேஸ்ட் தேவைப்படலாம். எனவே, டூத்பேஸ்ட் வாங்குவதற்கு முன், உங்கள் தேவைகளை பட்டியலிடுங்கள். அதன் பிறகு, உங்கள் பல் மருத்துவரிடம் ஆலோசித்து, உங்களுக்கு எந்த வகையான டூத்பேஸ்ட் பொருத்தமானது என்பதை அறிந்து கொள்ளுங்கள்.

ஐடிஏ (IDA) முத்திரை : தரமான டூத்பேஸ்ட் என்பது பல்வேறு பரிசோதனைகள் மற்றும் தர சோதனைகளுக்கு உட்பட்டுத்தப்படும். டூத்பேஸ்ட் உற்பத்தியாளர்களுக்கு இந்திய பல் மருத்துவ சங்கத்தின் முத்திரை அவசியம் தேவைப்படுகிறது. எனவே, உங்கள் டூத்பேஸ்ட்டில் ஐடிஏ முத்திரை உள்ளதா என கட்டாயம் சரிபார்க்க வேண்டும். இந்த முத்திரை இல்லை என்றால், அந்த டூத்பேஸ்ட்டை வாங்காதீர்கள்.

ஆர்டிஏ (RDA) அளவு : ஒவ்வொரு டூத்பேஸ்ட்டிலும் அப்ரேசிவ் பொருட்கள் உள்ளன. அவை பற்களை சுத்தமாகவும் வெண்மையாகவும் வைத்திருக்க உதவுகிறது. டூத்பேஸ்ட்டில் உள்ள இந்த மூலப்பொருட்களின் அளவானது ரிலேட்டிவ் டென்டின் அபிராசிவிட்டி (Relative Dentin Abrasivity (RDA)) என்று அழைக்கப்படுகிறது. இது ஒவ்வொரு டூத்பேஸ்ட்டுக்கும் மாறுபடும். டூத்பேஸ்டின் RDA அளவு 250-க்கு குறைவாக இருந்தால், அதைப் பயன்படுத்துவது பாதுகாப்பானது. மேலும், 250க்கு மேல் இருந்தால் அவை பற்களை சேதப்படுத்தும்.

சர்க்கரை : பல்வேறு டூத்பேஸ்ட்களில் சர்க்கரை சேரக்கப்டுகிறது. அவை பற்களை சிதைக்க கூடும் என்று நிரூபிக்கப்பட்டுள்ளது. எனவே டூத்பேஸ்ட்டில் சேர்க்கப்பட்டுள்ள பொருட்களை பற்றி தெளிவாக படித்து விட்டு வாங்குங்கள். உங்கள் டூத்பேஸ்ட்டில் சர்க்கரை இல்லை என்பதை உறுதிப்படுத்திக் கொள்ளுங்கள். பொதுவாக ஐடிஏ-வால் அங்கீகரிக்கப்பட்ட டூத்பேஸ்ட்கள் சர்க்கரை இல்லாதவை மற்றும் பற்சிதைவைத் தடுக்கின்றன.

--

www.sahabudeen.com