புதிதாக குழந்தைபெற்ற தாய்மார்களின் தூக்கமில்லா இரவுகளுக்கான சில தீர்வுகள்.

உங்கள் வீட்டில் புதிதாகப் பிறந்த குழந்தை இருக்கும் போது சரியான நேரத்தில் தூங்குவது சாத்தியமில்லை.

நல்ல தூக்கத்தைப் பெறுவதற்கான போராட்டம் உங்களை கவலையுடனும் மன அழுத்தத்துடனும் ஆக்குகிறது. நீங்கள் நன்றாக தூங்க உதவும் சில குறிப்புகள் இங்கே உள்ளன.

குழந்தையின் வருகைக்குப் பிறகு, தூங்குவது கடந்த காலத்தின் ஒரு விஷயமாகிவிடும். உங்கள் தூக்கத்தை தியாகம் செய்வது பல்வேறு மன மற்றும் உடல் பிரச்சனைகளுக்கு வழிவகுக்கும். அவை ஏற்படுவதைத் தவிர்க்க, நீங்கள் முயற்சி செய்யக்கூடிய சில எளிய உத்திகள் இங்கே உள்ளன.

*குழந்தைகள் சிறுநீர் கழித்த பிறகு அவ்வப்போது எழுந்திருக்கும். இந்த வழக்கில், உங்களுக்கு தேவையான பொருட்கள் அருகில் இருந்தால், உங்கள் குழந்தையின் டயப்பரை எளிதாக மாற்றிவிட்டு மீண்டும் தூங்கலாம்.

*தூக்கத்தின் தரம் கால அளவை விட முக்கியமானது என்பதால் நல்ல தரமான மெத்தையை வாங்கவும்.

*ஒரு அசௌகரியமான தலையணையை வைத்திருப்பது, நீங்கள் குழந்தையைக் கையாளும் போது கூடுதல் சிக்கல்களைத் தரலாம். மேலும், இது உங்கள் தூக்கத்தையும் பாதிக்கும்.

*ஆரோக்கியமற்ற உணவுப் பொருட்கள் தூங்குவதில் சிக்கல்களை ஏற்படுத்துவதாக அறியப்படுகிறது. எனவே, பச்சை காய்கறிகள், பழங்கள் மற்றும் பால் ஆகியவற்றைத் தேர்வு செய்யவும்.

*வீட்டினுள் ஏகப்பட்ட வேலைகள் இருக்கும் போது உங்களுக்காக நேரம் ஒதுக்குவது கடினம் தான். இருப்பினும் தினமும் உடற்பயிற்சி செய்வது சிறந்த தூக்கத்திற்கு உதவுகிறது.

--

www.sahabudeen.com

பிறந்தகுழந்தைகளுக்கு டயாப்பர் அணிவிப்பது சரியானதா?

 டயாப்பர் அணிவிக்காமல் இன்றைய சூழ்நிலையில் சமாளிக்க முடிவதில்லை.

டயாப்பர் அணிவிக்கக் கூடாது என்கிறார்கள் சிலர். தெளிவான விளக்கம் தேவை.

பதில் சொல்கிறார், கோவை, கிணத்துக்கடவைச் சேர்ந்த குழந்தைகள்நல மருத்துவர் எஸ்.ஸ்ரீநிவாஸ்.

பிறந்த குழந்தைகளுக்கு சரியான அளவுள்ள, தரமான டயாப்பர்களை முறையாகப் பயன் படுத்தலாம். தற்போது கிடைக்கும் டயாப்பர்கள் சிறுநீர் மற்றும் கழிவுகளை நன்கு உறிஞ்சும் திறன் உடையவாக இருக்கின்றன.

ஈரத்தால் ஏற்படும் அவதிகளைத் தவிர்த்து, குழந்தைகள் சிரமமின்றி நன்கு உறங்குவதற்கு இந்த டயாப்பர்கள் நிச்சயம் உதவும் என்பதில் சந்தேகமில்லை. குழந்தைக்கு ஒருமுறை டயாப்பர் அணிவித்தால் அதை அடுத்த மூன்று மணி நேரத்துக்கு மாற்றத் தேவையில்லை.

பெற்றோருக்கும் அடிக்கடி துணி மாற்றுவது, துவைப்பது போன்ற சிரமங்கள் இதனால் தவிர்க்கப்ஸபடுகின்றன.

தரமான, நல்ல மெட்டீரியலில் செய்யப்பட்ட டயாப்பர்களை குழந்தை தூங்கும் போதும், பயணத்தின்போதும், தவிர்க்க இயலாத நேரத்திலும் பயன் படுத்தலாம். ஆனால் ஒவ்வொரு 3 மணி நேரத்துக்கு ஒருமுறையும் டயாப்பரை மாற்ற வேண்டியது அவசியம்.

பெற்றோர் தங்கள் வசதிக்காக 24 மணி நேரமும் குழந்தையை டயாப்பருடன் இருக்க விடுவது மிகவும் தவறு.

--

www.sahabudeen.com

தவிர்க்க முடியாத டயப்பர் ரேஷ் - சிணுங்கும் குழந்தையை கவனியுங்கள்.

முன்பெல்லாம் காட்டன் துணிகளையே குழந்தைகளுக்கு பயன்படுத்தும் வழக்கம் இருந்தது. டாக்டர்ளும் டயப்பர் பயன் படுத்துவதை ஊக்குவிக்க மறுப்பர்.

இதனால் டயப்பர் பயன்படுத்துவது என்பது பயண நேரங்களுக்கு மட்டும் என்றிருந்தது. ஆனால், இன்றைக்கோ இது அன்றாட வழக்கமாகிவிட்டது. இதனால் பல பிரச்னைகள் ஏற்பட்டாலும் இதன் உபயோகம் அதிகரித்தே வருகிறது. வெயில் காலத்தில் குழந்தைகளுக்கு ஏற்படும் ஒரு முக்கிய பாதிப்பு டயப்பர் ரேஷ்.

நீங்கள் உங்கள் குழந்தைகளுக்கு டயப்பர் அணிவீர்கள் என்றால், குழந்தை அடிக்கடி சிணுங்கி அழுதால், ரேஷ் பிரச்னையா என முதலில் கவனியுங்கள். இது குழந்தைகளுக்கு ஏற்படும் பொதுவான வலி நிறைந்த தோல் அலர்ஜி போன்ற புண் ஆகும். பாதிப்பு மோசமடைவதைத் தடுக்க டயப்பர் ரேஷிற்கு எவ்வாறு சிகிச்சையளிப்பது என்பதை பெற்றோர்கள் மற்றும் பராமரிப்பாளர்கள் தெரிந்துகொள்வது அவசியம்.ரேஷ் பாதிப்பு! டயப்பர் ரேஷ் என்பது சிவப்பு, வலிமிகுந்த புண்.

இது சூடான, ஈரமான சூழலில் வரக்கூடியது. தொடை மற்றும் புட்டம் பகுதியை பாதிக்கும். பாதிக்கப்பட்ட தோல் செதில்களாகவோ, சிறு பருக்கள் உடன் இளஞ்சிவப்பு நிறத்தில் இருக்கலாம். டயப்பரில் சிறுநீர் அல்லது மலம் கழிக்கும் போது, அதை நீண்ட நேரம் சுத்தம் செய்யாமல் இருந்தால் டயப்பர் ரேஷ் உண்டாகும்.

ஈஸ்ட் என்னும் தொற்றுநோயால் இது வருகிறது.தோல் அலர்ஜி தோல் அலர்ஜி உள்ள குழந்தைகளுக்கு டயப்பர் ரேஷ் ஏற்படுவதற்கான வாய்ப்புகள் அதிகம், மேலும் அவை அடிக்கடி ஏற்படும். இவை கவனிக்காமல் விட்டால் மிக வேகமாக மோசமான பாதிப்பை உண்டாக்கி சிவப்பு புள்ளிகள், தடிப்புகள் கொண்ட புண்ணையும் ஏற்படுத்தி, இடுப்பு முதல் கால் வரை பரவகூடும். டயப்பர் ரேஷ் ஏற்படுவதற்கான காரணங்கள் மற்றும் அதை எவ்வாறு விரைவாகவும் திறமையாகவும் கையாள்வது குறித்து அறிந்து கொள்ளது நல்லது. பராமரிப்பு முறை!

குழந்தை ரேஷஷால் கஷ்டப்படும் போது கண்டிப்பாக டயப்பர் அணிவிக்க வேண்டாம். மேலும் அதன் சருமத்தை இறுக்கி பிடிக்கும் ஆடைகளை தவிர்த்து மெல்லிய பருத்தி ஆடைகளை அணிவிப்பது நல்லது. அதிகப்படியாக ரேஷஷ் இருந்தால் ஆடை அணிவிக்காமல் மெல்லிய துணியை கட்டி விடலாம். ஒவ்வொரு முறையும் குழந்தை இயற்கை உபாதை கழித்த பிறகு வெதுவெதுப்பான நீரை கொண்டு கழுவி சருமத்தை உலர வைப்பது மிகவும் அவசியம்.தேங்காய் எண்ணெய்!

தேங்காய் எண்ணெய் ஒரு சிறந்த நிவாரணியாக கூறப்படுகிறது. ஏனென்றால்இயற்கையாகவே பாக்டீரியா மற்றும் பூஞ்சைத்தொற்றை எதிர்த்து போராடும் தன்மை தேங்காயெண்ணெயிற்கு உண்டு. அது ஒரு இயற்கை மாய்சுரைசர் என்று கூட சொல்லலாம். அதோடு இவை பக்கவிளைவில்லாதது.

சருமத்தை மீண்டும் பழைய நிலைக்கு கொண்டு செல்லும். இரவு உறங்க செல்லும் முன் குழந்தையின் அடிப்பகுதியிலிருந்து தொடைவரை வெதுவெதுப்பான நீரில் கழுவி துடைத்து, தேங்காய் எண்ணெய் தேய்க்க வேண்டும். தவிர்க்கமுடியாத சூழலில் வெளியில் செல்ல நேரும் போது டயப்பர் அணிவிப்பதற்கு முன்பு குழந்தையின் பின் பகுதி மற்றும் தொடையில் தேங்காயெண்ணெய் தடவ வேண்டும். அதன் பிறகு டயப்பர் அணிவித்தால் பாதிப்பு அதிகரிக்காது. இவையெல்லாம் தாண்டி டயப்பர் ரேஷ் அதிகமாக இருந்தால் டாக்டரை அணுகி அவர்கள் தரும் ஆயின்மெண்டை பயன்படுத்தி பாதிப்பை சரி செய்யலாம். ரேஷை தவிர்க்க குழந்தைகளின் டயப்பரை தவறாமல் மாற்றுவதை உறுதிப்படுத்திக்  கொள்ளுங்கள்.

--

www.sahabudeen.com

உங்கள் வீட்டில் குழந்தைகள் மிகவும் பிடிவாதமாக உள்ளார்களா? அவர்களை எப்படி சமாளிப்பது என்பதைப் பற்றி பார்ப்போம்.

குழந்தைகள் என்றாலே ஏதாவது ஒரு பொருளை கேட்டு பிடிவாதம் பிடிக்க தான் செய்வார்கள். அவர்களை சமாளிப்பது என்பது தாய்மார்களுக்கு மிகப்பெரிய வேலை. ஒரு ஆய்வின்படி குழந்தைகளின் 8 வயது வரை அவர்களின் எதிர்பார்ப்பு மிகவும் அதிகமாக இருக்குமாம். அந்த எதிர்பார்ப்பு நிறைவேறாத பட்சத்தில் அவர்கள் கோபம் பிடிவாதமாக மாறுகிறது. உங்கள் குழந்தைகள் ஒரு விஷயத்திற்காக அடம்பிடிக்கும் போது நீங்கள் அவரை அடிக்கவோ, திட்டவோ கண்டிக்கவோ கூடாது. அதனால் எந்த பயனும் கிடையாது. அவர்களின் பிடிவாதம் குறையும் வரை காத்திருப்பது தான் நல்லது. குழந்தைகளுக்கு பெற்றோர்களின் நிலை எப்போதும் புரியாது. அந்த நிலைமையில் குழந்தைகளின் பிடிவாதம் சற்று குறைந்த பிறகு அவர்களிடம் பொறுமையாக எடுத்துக் கூற வேண்டும். மாறாக உங்களின் கோபத்தை அவர்களிடம் காட்டுவது எந்த விதத்திலும் பயனளிக்காது.

முதலில் குழந்தைகள் எந்த விஷயத்திற்காக பிடிவாதம் பிடிக்கிறார்கள் என்பதை பொறுமையாக அவர்களிடம் கேட்டு தெரிந்து கொள்ள வேண்டும். பின்னர் அதற்கு ஏற்றவாறு நாம் திட்டமிட வேண்டும் .முதலில் குழந்தைகள் ஏதேனும் ஒரு பொருளை வேண்டி அடம்பிடித்தால் அந்த பொருள் தேவைப்பட்டால் மட்டும் அவர்களுக்கு வாங்கிக் கொடுக்க வேண்டும். இல்லையெனில் வாங்கி கொடுப்பது அவர்களுக்கு தொடர்ந்து பிடிவாதம் பிடிக்கும் பழக்கத்தை அதிகரிக்கும். அவர்களை சமாதானப்படுத்த வேண்டும் என்பதற்காக பொம்மை, சாக்லேட் போன்றவற்றை அதிகளவில் வாங்கி குவிக்காமல் அளவாக வாங்கிக் கொடுத்து அவர்களை சமாதானம் செய்வதற்கு முயற்சி செய்யுங்கள்.

ஐஸ்கிரீம், சாக்லெட் போன்றவற்றை சில சமயங்களில் குழந்தைகளுக்கு தரும் பெற்றோர்கள் இதை வழக்கமாக கொடுப்பதை நிறுத்திக்கொள்ள வேண்டும். உங்கள் குழந்தைகள் பிடிவாதம் பிடிக்கும் பொருளை வாங்கி கொடுக்க முடியாத நிலையில் அவர்களின் கவனத்தை திசை திருப்ப வேண்டும். எடுத்துக்காட்டாக குழந்தைகளுக்கு வேறு ஏதாவது பொம்மையை கொடுத்து சமாதானம் செய்வது, இல்லையென்றால் வேடிக்கை காட்டுவது போன்றவற்றை செய்து அவர்களின் கவனத்தை திசை திருப்பினால் அவர்களின் பிடிவாதம் சற்று குறையும். குழந்தைகள் அடம் பிடிக்கும் பொழுது 'நீங்கள் நல்ல குழந்தைதானே' 'சொன்னால் கேட்டுக் கொள்வீர்கள் தானே' என்று கூறி அவர்களிடம் அன்பை காண்பித்து அவர்களின் பிடிவாதத்தை குறைக்க வேண்டும்.

--

www.sahabudeen.com

ஸ்கூல் பேக்கை சுமப்பதன்மூலம் சிறுவர்களுக்கு ஏற்படும் முதுகு வலியைப் போக்கும் வழிகள்

முதுகில் ஏற்படும் பிரச்சினைகளில் முக்கியமானது கீழ் முதுகு வலி.

மனித வாழ்க்கையில் ஏதேனும் ஒரு நேரத்திலாவது கீழ் முதுகு வலியால் அவதிப்படாமல் இருக்க முடியாது. 40 வயதுக்கு மேற்பட்டவர்கள் வலிகளுக்காக சிகிச்சை பெறும் பிரச்சினைகளில், கீழ் முதுகு வலி 2-ம் இடத்தில் உள்ளது. காய்ச்சல் என்பது ஒரு நோயின் அறிகுறி என்பது போலவே, கீழ் முதுகு வலியும் ஏதோ ஒரு நோயின் அறிகுறியே தவிர, இதுவே ஒரு தனிப்பட்ட நோயல்ல! இந்த வலிக்கு பல காரணங்கள் உண்டு. முதுகு பகுதியைச் சார்ந்த எலும்புகள், தசைகள், தசைநாண்கள் ஆகியவற்றில் ஏற்படுகிற பிரச்சினைகளை இதற்கு முதன்மை காரணங்களாக சொல்லலாம்.

சில நேரம் வயிற்றில் ஏற்படும் பிரச்சினைகளாலும் கீழ் முதுகில் வலி உண்டாகலாம். உதாரணத்துக்கு, சிறுநீரகம் மற்றும் சிறுநீர் பையில் கல் உள்ளவர்களுக்கு கீழ் முதுகில் வலி ஆரம்பித்து, முன் வயிற்றுக்குச் செல்லும். வெள்ளைப்படுதல் பிரச்சினை உள்ள பெண்களுக்கு கீழ் முதுகில்தான் முதலில் வலி ஆரம்பிக்கும். பொதுவாக, கீழ் முதுகு வலிக்கு 90 சதவீதம் முதுகெலும்பில் பிரச்சினை இருக்கும். மீதி 10 சதவீதம் வயிற்றுப் பகுதி தொடர்பாக இருக்கலாம்

சிறுவர்கள் புத்தகங்கள் மற்றும் இதரப் பொருட்கள் திணித்து வைக்கப்பட்ட மிகவும் கனமான புத்தகப்பை / முதுகுப்பையைச் சுமந்து செல்வதை அனைவரும் பார்த்திருக்கிறோம். பையிலுள்ள சுமை மிகுந்த கனமானவுடன், முதுகுப் பைகள் சிறுவர்களை கீழே இழுக்கத் தொடங்குகின்றன. வழக்கமாக முதுகுப் பைகள் உங்கள் மேல்முகுகில் ஆரம்பித்து நடுமுதுகு வரை மட்டுமே இருக்க வேண்டும்.

ஆனால் அதிக எடையினால் முதுகுப்பை, நடுமுதுகிலுருந்து இடுப்பு வரை தொங்க நேர்கிறது. இதனால் நடுமுதுகு, கீழ்முதுகு மற்றும் தோள்பட்டையில் அதிகமான அழுத்தம் ஏற்படுகிறது. நாளடைவில் இவ்வழுத்தம் தசைகளை வலிமையிழக்கச் செய்து மூட்டுகள் மற்றும் தண்டுவடத்தை பாதிக்கிறது.

முதுகுப்பை அதிக எடையினால் சிறுவர்களை பின்புறம் இழுக்கிறது, ஆனால் சிறுவர்கள் முன்னே நோக்கி நடக்கின்றனர். இதனால் நாளடைவில் கீழ்முதுகுப் பகுதியில் மிகுந்த அழுத்தம் ஏற்படுகிறது. சில நேரங்களில் இதுவே கீழ் முதுகுப் பகுதியில் தொடர்ந்து அழுத்த, எலும்பு முறிவுகள் ஏற்படுகிறது

இதனை அடுத்து சிறுவர்கள் முதுகு வலி ஏற்பட மிக முக்கிய காரணமாய் இருப்பது அலைபேசி, தொலைக்காட்சி மற்றும் கணினியுமே ஆகும்.

முதுகு வலி தீர்க்க வழிகள்:

சிறார்களுடைய முதுகுப் பைகள் சரியான / குறைந்த எடையுடன் உள்ளதா என்பதை உறுதிப்படுத்த வேண்டும்.

முதுகுப்பையில் உள்ள வார்களால் (Strap) பையை சரிவர, அதாவது மேல் முதுகிற்கும், நடுமுதுகிற்குமாய் இருக்குமாறு பிணைக்க வேண்டும்.

எல்லா நேரங்களிலும் நேராய் / நிமிர் நேர்வாய் உட்கார அறிவுறுத்த வேண்டும்.

அமர்ந்து கொண்டு படிக்கும் போதும், எழுதும் போதும் முதுகிற்குத் தேவையான ஆதாரத்துடன்(Support) அமர வேண்டும்.

எந்த ஒரு விளையாட்டையும் விளையாடும் முன்னர் முறையான ஆடல் உறுதி பரிசோதனைக்கு அவர்களை உட்படுத்த வேண்டும்.

விளையாடிய பின்னர் அதிக களைப்படைந்தால் அவ்விளையாட்டு அவர்களின் உடல் வலிமைக்கு அப்பாற்பட்டதாகும்.

தொடர்ச்சியான / இடைவிடாத வலி இருப்பின் அதனை பெற்றோரிடம் அல்லது மருத்துவரிடம் தெரிவிக்குமாறு அறிவுறுத்த வேண்டும்.

வைட்டமின் டி, எலும்புகள் வலுவாகவும், தசைகள் வலிவடையவும் உதுவுகிறது. குழந்தைகளில் வைட்டமின் டி பற்றாக்குறை உள்ளதா என அறிவது நல்லது.

முறையான மற்றும் பொருத்தமான உடற்பயிற்சித் திட்டம். உங்களுடைய குழந்தைகள் சரியான தோற்ற அமைவு (Posture) நிலையைப் பெறவும், முதுகு வலியை குறைக்கவும் உதவும்.

உங்கள் குழந்தை உடல் வலிமை தேவைகளுக்கேற்ப உடற்பயிற்சி மற்றும் இயன்முறை மருத்துவரிடம், உடற்பயிற்சிகள் வடிவமைத்துக் கொள்ளுதல் மிக அவசியம்.

--

www.sahabudeen.com

குழந்தைகளுக்கு வரலாம் கேட்டராக்ட்' பாதிப்பு; பெற்றோர் என்ன செய்ய வேண்டும்? - கண்கள் பத்திரம்.

``கேட்டராக்ட் எனப்படும் கண்புரை பாதிப்பு என்பது பெரியவர்களைத் தாக்கும் எனக் கேள்விப் பட்டிருப்போம்.

ஆனால், அது குழந்தைகளுக்கு பிறக்கும்போதே கூட பாதிக்கலாம் என்பது உங்களில் எத்தனை பேருக்குத் தெரியும்?

குழந்தைகளுக்கு பிறவியிலேயே ஏற்படுகிற இந்தக் கண்புரை பாதிப்பானது, ஒரு கண்ணிலோ, இரண்டு கண்களிலுமோ இருக்கக்கூடும். சில வேளைகளில் அது பரம்பரையாகத் தொடரும் பாதிப்பாக இருக்கலாம்'' என்கிறார் சென்னையைச் சேர்ந்த விழித்திரை சிகிச்சை மருத்துவர் வசுமதி வேதாந்தம். அது குறித்து அவர் தரும் விளக்கமான தகவல்கள் இங்கே...

 சிறப்பு மருத்துவர் வசுமதி

``சில குடும்பங்களில் அப்பாவுக்கோ அம்மாவுக்கோ மிகச் சிறிய வயதிலேயே கண்புரை பாதிப்பு ஏற்பட்டு அறுவைசிகிச்சை செய்திருப்பார்கள். அந்தக் குடும்பத்தில் பிறந்த எல்லா குழந்தைகளுக்கும் கண்புரை பாதிப்பு இருக்கக்கூடும். சொந்தத்தில் திருமணம் செய்த தம்பதியருக்குப் பிறக்கும் குழந்தைகளுக்கும் இந்த பாதிப்பு வரக்கூடும். கண்ணின் பாப்பா எனப்படும் பகுதியில் வெண்மையாக ஒரு படலம் போன்று தெரியும். அதை வைத்து கண்புரை பாதிப்பைச் சந்தேகிக்கலாம்.

பிறந்த குழந்தைக்கு கண் பரிசோதனை... அரசுத்திட்டம் அறிவீர்களா?

`ராஷ்டிரியபால ஸ்வாஸ்த்ய கார்யக்ரம்' (Rashtriya Bal Swasthya Karyakram - RBSK) எனப்படும் ஒன்றிய அரசுத் திட்டத்தின் மூலம் ஒவ்வொரு குழந்தையும் பிறந்த உடனேயே அதற்கு முழுமையான கண் பரிசோதனை செய்ய வலியுறுத்தப்படுகிறது. கண்ணில் புரையோ, வேறு ஏதேனும் பிரச்னைகளோ, புற்றுநோயோ இருக்க வாய்ப்பு இருக்கிறதா என்பதை அறிய உதவுகிறது இந்தப் பரிசோதனை.

பிறக்கும்போதே ஒரு குழந்தைக்கு கண்ணில் புரை பாதிப்பு இருந்தால், அது கடந்த அத்தியாயத்தில் நாம் பார்த்த சோம்பேறிக் கண் பாதிப்பில் கொண்டுபோய்விடும். அதுவும் தீவிர நிலை சோம்பேறிக் கண் பாதிப்பை ஏற்படுத்த காரணமாகிவிடும்.

கண்புரை பாதிப்பு உள்ள அந்தக் கண்ணில் பார்வை வளர்ச்சியே இருக்காது. இதனால் இது கண்டுபிடிக்கப்பட்டால் குழந்தை பிறந்த அடுத்தடுத்த நாள்களிலேயேகூட அறுவைசிகிச்சை செய்து கண்புரையை நீக்குவதுண்டு. பெரியவர்களுக்கு கண்புரை பாதிப்பு ஏற்பட்டால் கண்களில் லென்ஸ் வைப்பதைப்போல குழந்தைகளுக்கு முதல் ஒரு வருடத்தில் வைக்க முடியாது.

குழந்தையின் கண்களின் வளர்ச்சி முழுமை அடைந்திருக்காது. தவிர, குழந்தையின் கண்பார்வையின் பவரானது மாறிக்கொண்டே இருக்கும். எனவே, ஒரு வருடம் ஆன பிறகு, குழந்தையின் கண்களைப் பரிசோதித்துவிட்டு, பிறகு அதன் கண்களில் லென்ஸ் வைப்போம். அதன் பிறகு, நன்றாக உள்ள இன்னொரு கண், சோம்பேறிக் கண்ணாக மாறாமலிருக்க சிகிச்சை அளித்துக் காப்பாற்றப்படும். ஒருவேளை இரண்டு கண்களிலும் கண்புரை இருந்து அகற்றப்பட்டிருந்தால் குழந்தைக்கு கண்ணாடி கொடுத்து அணியப் பழக்கப்படுத்தப்படும்

அம்மாக்கள் கவனத்துக்கு...

பரம்பரைத் தன்மையை மீறி இந்தப் பிரச்னை வர குழந்தையின் அம்மாவுக்கு கர்ப்ப காலத்தில் ஏற்படும் ருபெல்லா எனப்படும் மணல்வாரி அம்மை பாதிப்பும் ஒரு காரணம். தாய்க்கு ருபெல்லா பாதித்திருந்தால் பிறக்கும் குழந்தைக்கு கண்புரையும், விழித்திரை பாதிப்பும் ஏற்படலாம். குழந்தையின் கண் சிறியதாக இருக்கலாம். இந்தப் பிரச்னைக்கு Congenital Rubella Syndrome (CRS) என்று பெயர். இந்த பாதிப்பு உள்ள குழந்தைக்கு இதயம் தொடர்பான பிரச்னைகளும், காது கேட்பதில் பாதிப்பும் கூட இருக்கக்கூடும். அதனால்தான் திருமணத்துக்கு முன்பே இளம் பெண்களுக்கு எம்.எம்.ஆர் தடுப்பூசி போட வலியுறுத்தப் படுகிறது. இது போடப்படும் பட்சத்தில் கர்ப்ப காலத்தில் அந்தப் பெண்ணுக்கு இந்த அம்மை பாதிப்பது தவிர்க்கப்படும்.

 Eye Issues (Representational Image)

இதுதவிர, சம்பந்தப்பட்ட அந்த கர்ப்பிணி ஏதேனும் ஸ்டீராய்டு சிகிச்சை எடுத்திருந்தாலும், கர்ப்பகாலத்தில் எக்ஸ்ரே எடுத்திருந்தாலும், வைட்டமின் குறைபாடு இருந்தாலும்கூட அவருக்குப் பிறக்கும் குழந்தைக்கு இந்த பாதிப்பு வர வாய்ப்பு உண்டு. கண்புரை பாதிப்பு கண்டுபிடிக்கப்பட்ட குழந்தைக்கு அதை அறுவைசிகிச்சை மூலம் நீக்குவதோடு மட்டும் நிறுத்திக்கொள்ளாமல் குறிப்பிட்ட காலத்துக்கு மருத்துவரிடம் செக்கப்புக்கு அழைத்து வர வேண்டியது மிகவும் அவசியம்."

--

www.sahabudeen.com

கர்ப்பிணி பெண்கள் உடற்பயிற்சி செய்யும் போது கவனிக்க வேண்டிய சில விஷயங்கள்.

உங்கள் கர்ப்ப காலத்தில் நீங்கள் என்ன செய்ய வேண்டும் அல்லது என்ன செய்யக்கூடாது என்பது குறித்து உங்களுக்கு நிறைய ஆலோசனைகள் கிடைக்கும்.

பெரும்பாலும் அனைவரின் கவனத்தையும் ஈர்க்கும் ஒரு தலைப்பு உடற்பயிற்சி. கர்ப்ப காலத்தில் உடற்பயிற்சி செய்யலாமா? உடற்பயிற்சி செய்வது பாதுகாப்பானதா? சிக்கலற்ற கர்ப்பம் உள்ள பெண்களுக்கு உடற்பயிற்சி நல்லது என்றும், சிறந்த விளைவுகளுக்கு வழிவகுக்கும் என்றும் ஆய்வுகள் காட்டுகின்றன. இருப்பினும், கர்ப்பமாக இருக்கும் போது பெண்கள் சங்கடமாகவும் அழுத்தமாகவும் உணர்கிறார்கள்.

கர்ப்ப காலத்தில் உடற்பயிற்சியின் போது செய்ய வேண்டியவை மற்றும் செய்யக்கூடாதவை:-

கர்ப்ப காலத்தில் உடற்பயிற்சிக்காக நீங்கள் என்ன செய்ய வேண்டும் மற்றும் என்ன செய்யக்கூடாது என்பதை அறிந்து கொள்வோம்

செய்யக்கூடியவை:

கர்ப்பம் உடலிலும் மனதிலும் அதிக அழுத்தத்தை ஏற்படுத்துகிறது. எனவே ஆரோக்கியமாக இருப்பது மிகவும் முக்கியம். கர்ப்ப காலத்தில் உடற்பயிற்சி செய்ய விரும்பினால் நீங்கள் செய்ய வேண்டியது இங்கே:

முதல் மூன்று மாதங்கள் (1-2 வாரங்கள்):

நடைபயிற்சி சிறந்த உடற்பயிற்சி

தரையில் இருந்து எழுவதற்கு முன் உங்கள் பக்கமாக திரும்பி எழவும்

முதல் மூன்று மாதங்களில் தியானம் மற்றும் ஆழ்ந்த சுவாசப் பயிற்சிகள் நரம்புகளைத் தணிக்க நல்லது

2வது மூன்று மாதங்கள் (13-26 வாரங்கள்):

*இரண்டு கால்களையும் ஒரே நேரத்தில் காற்றில் தூக்க வேண்டிய பயிற்சிகளைத் தவிர்க்கவும்.

*நீச்சல் ஒரு நல்ல உடற்பயிற்சி

*மெதுவாக ஓடுவதும் செய்யப்படலாம் ஆனால் உங்கள் மூட்டுகளில் அழுத்தம் இல்லை என்பதை உறுதிப்படுத்திக் கொள்ளுங்கள்.

*பட்டாம்பூச்சி பயிற்சி மற்றும் சைக்கிள் ஓட்டுதல் செய்யலாம்.

●3 வது மூன்று மாதங்கள் (27-40 வாரங்கள்):

*அனைத்து முக்கிய பயிற்சிகளையும் தவிர்க்கவும்.

*கடைசி மூன்று மாதங்களின் முடிவில்,

கூடுதல் எடையை சுமக்க உதவும் தசைகளை வலுப்படுத்தும் வலிமை பயிற்சி பயிற்சிகளை முயற்சி செய்யலாம்.

*நீங்கள் கவனம் செலுத்த வேண்டிய தசைகள் குளுட்டுகள், தொடை, வயிறு மேல் மற்றும் கீழ், பின் தசைகள்.

*உடற்பயிற்சி செய்யும் போது உங்களை நீரேற்றமாக வைத்திருங்கள் மற்றும் தளர்வான ஆடைகளை அணியுங்கள்.

*உடற்பயிற்சியை தவிர, ஆரோக்கியமான சமச்சீர் உணவும் உங்கள் உடற்தகுதிக்கு சேர்க்கிறது.

செய்யக்கூடாதவை:

*உங்கள் வயிற்றில் அழுத்தத்தை ஏற்படுத்தும் செயல்களைத் தவிர்க்கவும்.

*உடற்பயிற்சியின் போது உங்களால் பேச முடியவில்லை என்றால் உடற்பயிற்சி செய்வதை நிறுத்துங்கள்.

*ஆரம்ப சோர்வை நீங்கள் கண்டால் உடற்பயிற்சி செய்வதை நிறுத்துங்கள்.

*உங்களுக்கு தலைசுற்றல் அல்லது லேசான தலைவலி ஏற்பட்டால் உடற்பயிற்சி செய்ய வேண்டாம்.

*கர்ப்பத்தின் 4 மாதங்களுக்குப் பிறகு உங்கள் முதுகில் நீண்ட நேரம் உடற்பயிற்சி செய்யாதீர்கள்.

*ஏனெனில் கருப்பை மற்றும் குழந்தைக்கு இரத்த விநியோகம் பாதிக்கப்படலாம்.

*எப்பொழுதும் ஒரு பயிற்றுவிப்பாளரிடமிருந்து பயிற்சிகளைக் கற்றுக் கொள்ளுங்கள். பின்னர் அவற்றைத் தனியாகச் செய்யுங்கள்.

எச்சரிக்கை: இவை ஒரு குறிப்பு மட்டுமே என்றாலும், நிச்சயமாகத் தெரிந்துகொள்ள உங்கள் மருத்துவரிடம் ஆலோசிக்கவும்.

--

www.sahabudeen.com

உங்கள் குழந்தை கொழு கொழு என்று வளர கொடுக்க வேண்டிய உணவுகள்.

ஒவ்வொரு குழந்தையும் முதல் ஒரு ஆண்டிற்குள் சரியான எடையை எட்ட வேண்டும் என்பது அவசியம். அதற்கு சத்தான உணவுகளைத் தரவேண்டும்.

குழந்தையின் எடையை ஆரோக்கியமான முறையில் அதிகரிக்க முயற்சிப்பதே சரியான முயற்சி. எப்படி குழந்தையின் எடையை இயற்கையாகவே ஆரோக்கியமான முறையில் அதிகரிப்பது என இப்பதிவில் பார்க்கலாம்.

குழந்தைக்கு 6 மாதத்துக்கு பிறகு திட உணவுகளும் தாய்ப்பாலும் கொடுப்பது அவசியம்.

ஒரு வாழைப்பழத்தில் 100 + க்கும் மேற்பட்ட கலோரிகள் உள்ளன. இயற்கையாகவே அதிக எனர்ஜி தரும் பழம் இது.

மாவுச்சத்து, பொட்டாசியம், நார்ச்சத்து, விட்டமின் சி, பி6 ஆகியவை நிறைந்துள்ளன.

6 மாதம் தொடங்கிய பின்னரே உங்கள் குழந்தைக்கு நீங்கள் வாழைப்பழம் கொடுக்கலாம்.

பச்சை வாழைப்பழத்தை தவிர்க்கலாம். குழந்தைகளுக்கு மலம் கட்டும். மற்ற அனைத்து வாழைப்பழங்களும் குழந்தைக்கு நல்லது.

8 மாதத்துக்கு மேற்பட்ட குழந்தைகளுக்கு வாழைப்பழத்தை நீங்கள் கேக்காகவோ, புட்டிங்காகவோ செய்து தரலாம்.

குழந்தைகளுக்கு முதல் உணவாக தருவதில் மிக சிறந்த உணவு, கேழ்வரகு.

6 மாத குழந்தைகள் முதல் அனைவரும் சாப்பிட ஏற்றது, இந்த கேழ்வரகு சிறுதானியம்.

கால்சியம், புரதம், இரும்புச்சத்து, நார்ச்சத்து, விட்டமின் பி1, பி2, தாதுக்கள் ஆகியவை உள்ளன.

குழந்தைக்கு ராகி எளிமையாக செரிமானமாகும். ராகி கஞ்சி, ராகி கூழ், ராகி இட்லி, ராகி தோசை, ராகி ரொட்டி, ராகி புட்டு, ராகி லட்டு, ராகி கேக், ராகி குக்கீஸ் போன்ற வகைகளில் ராகியை கொடுப்பது நல்லது.

முட்டை

முட்டையில் பல விதமான நல்ல சத்துக்கள் அடங்கியுள்ளன. புரதசத்து அதிகம் கொண்ட உணவுகளில் முட்டை முதல் இடத்தில் உள்ளது. குழந்தைகளின் உணவில் முட்டை மிக முக்கிய உணவாகும்.

முட்டை உடல் வளர்ச்சிக்கு மிகவும் உதவுகிறது. அத்துடன் செல்களின் வளர்ச்சியும் அதிகரிக்கவும் உதவுகிறது. தினமும் ஒரு வேகவைத்த முட்டை குழந்தைகளுக்கு கொடுத்து வந்தால் அவர்களின் ஆரோக்கியத்திற்கு சிறந்ததாக அமையும்.

முழு தானியங்கள்

பருப்பு வகைகள், முழு தானியங்கள் போன்ற உணவுகளை குழந்தைகளுக்கு அதிக அளவில் தர வேண்டும். இதனால் அவர்களின் மெட்டபாலிசன் சீராக வேலை செய்யும். மேலும், உடல் வளர்ச்சியை அதிகரிக்க முழு தானியங்கள் பெரும்பாலும் உதவும்.

பால்

பாலில் உள்ள சத்துக்கள் குழந்தைகளின் வளர்ச்சிக்கு அதிக அளவில் பயன்படுகிறது. தினமும் பால் குடிப்பது உடலுக்கு நோய் எதிர்ப்பு சக்தியை அதிகரிக்கிறது.

கால்சியம், வைட்டமின் டி, புரசத்து போன்றவை இதில் நிறைந்துள்ளதால் குழந்தைகளுக்கு அவசியம் இதனை தினமும் கொடுக்க வேண்டும். இதில் உள்ள கால்சியம் எலும்புகளை வலுபடுத்துகிறது.

சிக்கன்

பிராய்லர் கோழிகளை காட்டிலும் நாட்டு கோழிகளை குழந்தைகளுக்கு அதிகம் கொடுக்க வேண்டும். பிராய்லர் கோழியில் உள்ள கெட்ட கொழுப்பு உடலுக்கு கேடு விளைவிக்கிறது. எனவே அதை தவிர்த்து நாட்டு கோழிகளை குழந்தைகளுக்கு சாப்பிட கொடுக்க வேண்டும்.

சோயா பீன்ஸ்

ஆரோக்கியமான உணவுகளில் சோயா பீன்சும் ஒன்று. சிக்கன், முட்டை பிடிக்காத குழந்தைகளுக்கு இதனை பரிமாறலாம். இவற்றில் புரதசத்து அதிக அளவில் இருப்பதால் உடல் நலத்திற்கு மிகவும் நல்லது. அத்துடன் முழு உடல் வளர்ச்சிக்கும் இது பயன்படும்.

காய்கறிகள்

குழந்தைகளின் உணவில் இரும்புசத்து, மெக்னீசியம், வைட்டமின் பி, ஏ, கே போன்றவை அதிக அளவில் உள்ள காய்கறிகளை சேர்த்து கொள்வது நல்லது. முக்கியமாக கேரட், பீட்ரூட், பீன்ஸ், ப்ரோக்கோலி, கீரை வகைகள் ஆகியவற்றை அதிக அளவில் சேர்த்து கொள்ள வேண்டும்.

--

www.sahabudeen.com